Alcune canzoni in lingua napoletana:
Chi sa pecchè me songo nnammurato
e te cà nun e ditto na’ parola
e te cù st’aria fredda e indifferente
e te cà nun riesco a tt’afferrà!
Chi sa pecchè me songo nnammurato
e te ca guarde sempe a n’ata parte
e te ca mò chi sa che staie penzanno
e te ca nun t’accuorge ca stò ccà!
St’ammore è muto, ma che fa…che m’porta
tant’all’ammore nun serveno ‘e parole
basta nù sguardo ca se ferma e botte
e po’ sott’uocchie nun te lasse cchiù!
‘O guaio overo è quann’ammore è surdo
‘o guaio overo è quanno nun vò sentì
‘o guaio overo è quanno ogni parola
è nu rumore ca vene a miez’a folla!
Chi sa pecchè me songo nnammurato
forse pecchè mò rire e sì cchiù bella
forse pecchè vulisse fermà ‘o tempo
forse pecchè m’è ditto:”che peccato!”
(finalino)
Chi sa pecchè me songo nnammurato
forse pecchè nun m’e lassato ‘a mano
forse pecchè cull’uocchie staie parlanno
forse pè chesta voglia e ce vasà!
E guardame nù poco dint’all’uocchie
e liegge bbuono chello c’aggio scritto,
ce stà ‘a paura ca me può lassà,
ce sta ‘a speranza…can un po’ fernì!
Pecchè si parlo, ‘o ssaie, cà quanno parlo
io parlo e parlo cu ‘è parole toie,
pecchè si penzo, ‘o ssaie ca quanno penzo,
io penzo e penzo…comme pienze tu!
No! Nun parlà! Te prego nun parlà!
‘O ssaccio già chello che stai pe dicere,
si stò parlanno e nun me fermo cchiù…
pecchè mò cerco e nun te fa parlà!
Chelli parole, ca vulisse dicere,
so’ cultellate che spaccano ‘o core!
Siente sultanto chello ca dich’io…
‘o ssaccio, n’atu ppoco e aggia murì!
No, no, nun chiagno! ‘O vvide stongo allero,
stò sempe allero, quanno stò cu tte’!
Mannaggia si cchiù bella chesta sera!
Guardame dint’all’uocchie, nun parlà!
‘A siente chesta musica luntana,
ma che tristezza, che malinconia!
Parla e n’ammore ca nun po’ fernì,
“quanta bucie ca diceno ‘e canzone!”
Pecchè te tire ‘a mano?…n’atu ppoco,
a voglio accarezzà, pè n’atu ppoco!
Me stai guardanno, ma che parle a fa?
‘O ssaccio già ca tu me vuò lassà!
Biografia - Profilo Bibliografico - Libri - Teatro - Musica - Contatti - Homepage